გვერდს NOVR (National online Votes & Results), რომელიც 2019 წლის 30 იანვარს არის შექმნილი და 19 დეკემბრის მონაცემებით 563 გამომწერი ჰყავს, ჩვენს შესახებ განყოფილებაში უწერია, რომ ფეისბუკ გვერდმა “ლიდერი 41” ეს გვერდი იმ მიზნით შექმნა, რომ საზოგადოება NDI-სა და IRI-ს კვლევებს უნდობლობას უცხადებს. ამ მიზნით NOVR-ი ეროვნულ ონლაინ გამოკითხვებს შესაბამისს ფეისბუქ გვერდზე ატარებს. თავად ლიდერ 41-ს კი ჩვენს შესახებ განყოფილებაში უწერია, რომ ის ქართული ოცნების PR გვერდია.
NDI-ს და IRI-ს საპირწონედ შექმნილ გვერდს გამოკითხვები შემდეგ თემებზე აქვს ჩატარებული:
- შიდა მტრები ბევრი ჰყავს ქართულ ოცნებას?
- ნაციონალური მოძრაობის ლიდერებს პრემიერის გიორგი გახარიას ეშინიათ?
- მიგაჩნიათ თუ არა, რომ ბიძინა ივანიშილი არის საქართველოში ყველაზე დიდი ქველმოქმედი?
- ოფიციალურად დონალდ ტრამპს უფრო მეტი ფული აქვს თუ ბიძინა ივანიშვილს?
- უნდა დატოვოს თუ არა გაბუნიამ რუსთავი 2?
- უნდა შეიცვალოს თუ არა რუსთავი 2-ის სარედაქციო პოლიტიკა?
- რატომ არ ჩამოდის საქართველოში მიხეილ სააკაშვილი?
- შეასრულებს თუ არა პრემიერ მინისტრი გიორგი გახარია დანაპირებს: არსად წასვლას არ ვაპირებ, მე თქვენ დაგასრულებთ?
- ენდობით თუ არა თამარ ჩუგოშვილს?
- თამთა თოდაძის გაუპატიურების მცდელობაში ბრალდებული ილია ჯიშკარიანია? და სხვა
