Facebook რეკლამების ბიბლიოთეკის (Ad Library) ფუნქციებს განაახლებს, რითაც პოლიტიკური და სოციალური რეკლამების გამჭვირვალობას გაზრდის და მომხმარებლებს მათზე მეტ კონტროლს მიანიჭებს.
კომპანია შემდეგ სიახლეებს გეგმავს:
- რეკლამების ბიბლიოთეკაში შესაძლებელი იქნება არამხოლოდ ე.წ. დასპონსროებული პოსტების, არამედ ამ პოსტის აუდიტორიის პოტენციური რაოდენობის ნახვაც
- რეკლამების ბიბლიოთეკაში მათი ძებნისა და გაფილტვრის ფუნქცია უმჯობესდება: კონრკეტული რეკლამის მოძებნა ზუსტი ფრაზის მეშვეობით იქნება შესაძლებელი. კომპანიაში ამბობენ, რომ ეს ამომრჩევლების, მეცნიერებისა და ჟურნალისტებისთვის ანალიზის პროცესს გააადვილებს
- თუ აქამდე მომხმარებლებს რეკლამის შემცველი პოსტების “დამალვა” რეკლამის პარამეტრებიდან ან პირდაპირ პოსტიდან შეეძლოთ, ახლა ამის გაკეთებას რეკლამის ავტორის პირადი აუდიტორიის სიიდან შეძლებენ
- დაინერგება სიახლეები, რომლებიც მომხმარებელს საშუალებს მისცემს, Facebook-სა და Instagram-ზე კიდევ უფრო ნაკლები პოლიტიკური და სოციალური რეკლამა ნახოს.
პოლიტიკური რეკლამების გამჭვირვალობა 2020 წლის პირველ კვარტალშივე გაიზრდება ყველა იმ ქვეყანაში, რომელსაც რეკლამის შემკვეთის ვინაობის მითითების ვალდებულება აკისრია. ხოლო რეკლამების მეტი კონტროლი მოქალაქეებს მიმდინარე წლის ზაფხულშიდან ჯერ აშშ-ში, ხოლო შემდეგ სხვა ქვეყნებშიც შეეძლებათ.
