სხვადასხვა

კვირის სახალისო ინფორმაცია: რუსი პოლიტიკოსი დონალდ ტრამპის გამარჯვების შემდეგ: "ამერიკა ჩვენია!"

11 ნოემბერი, 2016

"Единная Россия"-ს წევრი ერნესტ მაკარენკო აშშ-ის საპრეზიდენტო არჩევნებში დონალდ ტრამპის გამარჯვების შემდეგ ინსტრაგრამზე ვიდეოს ავრცელებს, რომელშიც ის ამბობს "ამერიკა ჩვენია!"

"ამერიკა ჩვენია! შეამჩნევდით, რომ როგორც ყირიმი, აშშ-ც აბსოლუტურად თავაზიანი და მოკრძალებული მეთოდით აიღეს. ერთი თვის წინ, ბატონ ტრამპს დღევანდელი გამარჯვება მივულოცე. ძალიან მახარებს, რომ აშშ-ში ბოლოსდაბოლოს ისწავლეს მიღწეული შეთანხმებების შესრულება. საბოლოოდ, ამერიკელები დაფიქრდნენ მოსკოვის როლზე, მაგრამ მათ არ იცოდნენ მთავარი - დიადი რუსული ენის ძალა. ათწლეულებია, მთელ ქვეყანაში ამ სიტყვებს ვღიღინებთ: "ტრამპამპამ". ხოლო საკულტო საბჭოთა მულტფილმის გმირმა ვინი პუჰმა ის მსოფლიო ჰიტად აქცია და ამერიკელებიც საარჩევნო ოლქებში მისვლისას ჩუმად, რუსულ ენაზე ღიღინებდნენ: "ტრამპამპამ". რუსულ-ყირიმული შამპანურის ამ ბოკალს ვწევ თქვენი გამარჯვების აღსანიშნად, ბატონო ტრამპ! პანიკაში მყოფი ლიბერალები სოციალურ ქსელებში თქვენ მიმართ ლანძღვას შლიან, თუმცა ჩვენ ხომ ყველაფერი ჩაწერილი გვაქვს. და მალე ყველა ლიბერალს ვეტყვით: ტრამპამპამ".